《كيكة النسكافه السريعة》
الكيكه من مقاديري الخاصه .. رائعه وريحتها خيال وأما طعمها فهو #لذيذة_لذاذة_اللذوذين_كلهم😋👌
اهم شي تعرفو ان المقادير لقالب مرتفع مقاس 7 انش (أو) 8 يمشي
#محمد_الكلحه #حلويات_كلحه #كيكة_نسكافه_كلحه #كيك_كلحه
المقادير
- 3 حبات بيض
- ثلثين كوب سكر
- ملعقه كبيرة فانيلا سايله
- ثلث كوب زيت
- علبة لبن زبادي (روب) حجم ١٧٠جم أو نص كوب حليب سائل ينفع
- كوب وربع طحين
- ملعقه ونص صغيرة باكنغ باودر
- ربع ملعقه صغيرة كربونات صودا (وجوده ممتاز بس لو ماعندكم عادي نستغنى عنه)
- رشة صغيرة ملح
- كيس نسكافه جاهز
طريقة التحضير
🔹 نبدأ بخفق البيض والسكر 3 دقايق ترررررررر
🔹نضيف الزيت ونكمل خلط تررررررر
🔹نضيف الزبادي أو الحليب وايضا نكمل تررررررر
🔹الان نضيف الطحين (المخلوط مع كيس النسكافه والكربونات والباكنغ باودر والملح) ونخلط بالمكينه تررررر (بس شوي اوك بس شوي) وبعدها نكمل بالملعقه السيليكون جق جق جق .. وصار خليط الكيك جاهز
🔹نصب الخليط بقالب مدهون مسبقا
🔹ادخلها الفرن المحمى مسبقا 180 درجه من تحت نشعل فقط .. حوالي 30 الى 35 دقيقه وان لقيتوها طرية من فوق زيدو خمس دقايق وبالعافيه 😊👌
