وصفتنا اليوم برجر جيب التاجر لذييييذ مره مرررررره
جربوه وقولو لي رايكم 😍♥️
المقادير
- كيس خبز توست
- نص كيلو لحمه مفرومه
- نص ملعقه بهارات كل من : (كمون وفلفل اسود وبابريكا وفلفل احمر مجروش )
- ملح حسب الحاجه
- خس
- طماطم
- جبن شرايح
للتغطيه:
- كوب لبن او حليب و٢ بيض وربع كوب شطه
- ونخلطهم مع بعض
- بقسماط
- لصوص البرجر : كاتشب ومايونيز وخردل وليمون وفلفل اسود
طريقة التحضير
نحط شريحتين توست فوق بعض ونفرد ونقطع شكل دائري ونغمس في خليط البيض والحليب وبعدين نغطي بالبقسماط الين نخلص الكميه نقليه بزيت ساخن لما يتحمر نطلعه ونقصه من النص
ونتركه على جنب على بال ما نجهز البرجر
في زبديه نحط اللحمه والبهارات والملح ونعجن كويس ونشكلها كرات صغيره ونحط طاوه ع النار وشويه زيت ونحط كرات اللحم نخليها دقيقتين ونضغط عليها ونسيبها تستوي وتتحمر من جهه ونقلبها ع الجهه الثانيه تقريباً كل جهه اخذت مني ٣ دقايق ونطلعها وناخذ جيب التاجر نحط له صوص والخس واللحمه والجبن والطماطم ونقدمه وبالعااااافيه .
#جيب_التاجر #جيب_التاجر_برجر #وصفات_رمضان #وصفات_رمضانيه
هل الفيديو لا يعمل؟ إضغط هنا
