《أصابع بسكوت الكمون والسمسم》
.
للعلم هذا مايعتبر بقصم او كعك اللي نعرفه اليابس وناكله ونغمسه بالشاي .. لااا ابدا … هذا بسكوت هش جدا وطعمه طيب حيييييل يعتبر سناك مو اكثر
.
جدا سريعه وسهله .. وبقولكم كيف ممكن نغير بمقاديرها بما يناسب ذوقكم .. هذا غير انها #لذيذة_لذاذة_اللذوذين_كلهم😋👌
.
◾المقادير:
.
🔸️اصبع ونص زبدة (١٥٠جرام)
🔸️ربع كوب زيت نباتي
🔸️ربع كوب زبادي (روب)
🔸️٢ وربع كوب طحين
🔸️١ م.ص باكنغ باودر
🔸️٢ م.ك سكر
🔸️ربع م.ص ملح
🔸️نص م.ص يانسون مطحون
🔸️١ م.ص كمون مطحون
🔸️١ م.ك كمون حب
.
🔸️صينية فيها خليط سمسم وكمون حب وملح بحري .. ماعندكم بحري طنشوه لاتحطو ملح عادي
.
🔸️ممكن استبدال البهارات باللي تحبوه .. يانسون شومر او اي نكهه تحبونها
.
#كعك_كلحه #بسكوت_كلحه
.
◾الطريقه:
.
🔹️نخلط الطحين مع الباكنغ باودر والملح والسكر والبهارات ونخلطهم بالملعقه جق جق جق
.
🔹️نضيف عليهم مرة وحده الزبدة والزيت والزبادي ونعجن نعجن نعجن
.
🔹️بتتكون عجينة متماسكة ولينه …. اذا حسيتوها لينه كثيييييير وتلزق .. اضيفو ملعقه طحين واذا لينه شوي لكن ماتلزق باليد فلا تضيفو شي
.
🔹️نسوي منها كرات صغيرة متساوية الحجم باليد ونعجن كل كرة بإيدنا شوي بس
.
🔹️على سطح نظيف نبدأ ندحرج الكرة ونسويها اصابع بالسماكه اللي تحبونها
.
🔹️وبالاخر ندحرجها على خليط سمسم وكمون حب وملح بحري (لازم بحري العادي ماينفع)
.
🔹️ونصفهم بصينية مبطنه ورق زبدة وعالفرن المحمي مسبقا ونشعل تحت فقطططط .. حرارة ١٨٠ لمدة عشر دقايق
.
🔹️ننزل الحرارة ١٥٠ ويترك لغااااية مايستوي ماحسبت وقت .. عالنظر .. بتلاقوه اشقر من كل صوب .. بس انتبهو بكون مستوي بس مابكون ناشف ف لاتمسكوه باليد وإلا بيتكسر
.
🔹️طلعوه من الفرن واتركوه يبرد برة الفرن عالاااااخر بعدين انقلوه لعلب محكمة الاغلاق وبالعافية 😊👌🏻
.
.
اذا قرأت للاخر فاكرمنا بتشجيعك 👌🏻
.
#٢٠١٨_كلحه
