مطبق البياح

وهذي طريقة مطبق البياح مثل ما وعدتكم .
طبعا الفيديو اللي قبل هذا تشوفون الشكل النهائي اكثر .
اول شي قطعت السمك تالي كزبرا شبينت ثوم كركم كزبرا بهار مشكل وخلطتهم وحشيتهم ببطن السمك . من غير بصل .
تالي قليتهم .
الحشو اللي ينحط فوق العيش طريقته
عالمقلاة وشوحت البصل بدون زيت فقط ماي لين يصير بني .
تالي البهار دارسين اللي اهي قرفة ولومي اسود او فقط بهار الحشو الخاص اذا عندكم ملح واخر شي نقطة زيت والكزبرا والشبينت اخر شي واللي ما يحب لا يحط .
طبخت ماي للرز طبعا .
الرز حمست الثوم البصل تالي الكزبرا الشبينت
وحطيت قطعتين من السمك عالخلطه الجميلة
تالي الرز والماي لا تنسون الملح .
ولين تبخر الماي حطيت قطعتين سمك فوف والحشو على جنب ورشة هيل ودارسين واحلى مطبق .
تقدرون تسون اي نوع سمك .
طبعا انا لاني بصلالة حبيت اجرب البياح وبصراحة الطبخة اطلعت وايد لذيذة ضروري تجربونها باي نوع سمك .
—
تستاهلون كل الحب والخير متابعيني والدلع
مع اجمل طبخات طبخات نادية .
ان شاء الله كل شي واضح .
ولا تنسوني من دعوة طيبه وكلمة جميلة منكم وكل الشكر ❤️❤️❤️
#وصفات_طبخات_نادية_كوك_مطبق_سمك