كعك الاساور الفلسطيني
كعك الاساور الفلسطيني المليان حب ونكهات الريحة والطعم جد حكاية 👌🇵🇸
حجم الكوب المستخدم ٢٥٠ مل
المقادير
- ٥ اكواب ونصف طحين
- كوبين الا ربع سميد ناعم
- نصف كوب سكر بودرة (بتحبو حلاوته اكثر خلوها كوب)
- كوب سمنة بحرارة الغرفة
- كوب زيت زيتون او نباتي حسب رغبتكم انا استخدمت زيت الزيتون
- معلقتين كبار حبة البركة
- ٤ معالق كبيرة سمسم محمص
- معلقة كبيرة محلب
- معلقتين كبار يانسون محمص ومطحون
- معلقة كبيرة شومر محمص ومطحون
- معلقة صغيرة خميرة فورية
- ٣ حبات مستكة مطحونات مع شوية سكر
- جوزة الطيب اختياري
- كوب يانسون مغلي يترك ليصبح دافئ
طريقة التحضير
نخلط النواشف معا ثم نخلط الدهن معا ونضيفهم ونفركهم بالايد حتى يتشرب السميد الدهن
بنضيف كوب اليانسون المغلي وبدون عجن فقط تحريك من اسفل لاعلى لازم العجين تكون طرية وبس تضغطوا عليها ما تتشقق ممكن تحتاجوا كمية سائل اكبر كل ما طولت العجين وتشرب السميد السائل ضلو زودوا حسب الحاجة وتترك العجين لترتاح نصف ساعة بعدها بنقطعها لدوائر متساوية الحجم.
للحشوة احتجت كيلو تمر مع ٢ م ك سمسم محمص ومعلقة كبيرة من دقة الكعك (شومر ويانسون وهيل وقرفة) ومعلقة ونصف سمنة
يخبز ع حرارة ٢٠٠ من ١٢-١٥ دقيقة مع المراقبة وللافران العادية من تحت بعدها من فوق يترك ليبرد تماما وبالعافية
