” 🇮🇳برياني دجاج هندي🇮🇳 ”
المقادير
- دجاجه مقطعه الى قطع متوسطه ومنزوع الجلد
- 3 أكواب رز
- زيت تقريبا 3/4 كوب أو اقل بشوي المهم انه تكون كميته معقوله عشان نقلي البصل
- حبتين بصل كبيرمقطعه الى شرايح ناعمه
- ملعقه كبيره ثوم مهروس
- ملعقه كبيره زنجبيل مبشور
- حبتين ونص كبار او 5 حبات صغيره طماطم احمر مفرومه فرم ناعم
- ورقة غار
- 4 حبات قرنفل
- 2 عيدان قرفه
- 4 حبات هيل
- ١/٢ ملعقة شاي سنوت ( يانسون)
- ملعقه صغيره فلفل احمر حار بودره او ملعقتين حسب الرغبه
- 2 ملعقه صغيره كزبره مطحونه
- علبتين زبادي
- ملح
- 2 ملعقه كبيره عصير ليمون
- كزبره طازجه مفرومه
طريقة التحضير
نسخن الزيت ع النار ثم نضيف ورقة الغار والقرنفل وعيدان القرفه والهيل والسنوت ويقلى مدة 30 ثانيه ( استغفري فيها 😊) بعدها نضيف البصل ويقلى لين يصير لونه بني ذهبي ثم نضيف الثوم والزنجبيل ونقليه 30 ثانيه ( استغفري فيها 😊) بعدها نضيف الفلفل الأحمر الحار والكزبره المطحونه والملح والطماطم والدجاج والزبادي ونخليه يطبخ لين يستوي الدجاج تمام بعدها نخلط عصير الليمون مع الكزبره الطازجه ونضيفه للدجاج ونرفعه عن النار ونخليه ع جنب ونكون منقعين الرز في مويه دافيه قبل بنص ساعه ونأخذ قدر ثاني ونغلي فيه مويه ونضيف له ملح وملعقة زيت بعدها نضيف الرز والمويه تغلي مره ع نار عاليه ونخليه يطبخ 5 دقايق تقريبا لاتخلونه يستوي كثير يكون مستوي 70% تقريبا بعدها نصفيه ونحطه فوق الدجاج ومانحركه ونرش من فوق ملعقة زيت ونغلفه بقدر ونغطيه زين ونحطه فوق حديده ع النار ونخليه يطبخ ع نار هاديه مدة 15 دقيقه بعدها نفتح ونخلطه شي بسيط ويقدم ويزين بالبقدونس وبالعافيه 💕
