صبحكم الله بالخير كشتتنا امس في بر الصبيحيه مع الربع كانت خوش كشته الجو كان جميل جدا واجواء جميله وطبختنا كانت من ايد اخوي محمد الراشد ابو عبد العزيز وعبد العزيز الطواري الاسم خطاء بالفديو كبسة دجاج على جزر وبصل وطماط الطريقه بهر الدجاج في بهار الدجاج وحمس الجدر في بصلتين كبار وبعدين نزل جزر مبشور واخر شي الطماط المقطع والفلفل الاخضر البارد وملعقة سمن والملح ونزل الدجاج والثوم العدل وعلوب الفلفل الاخضر وكتمهم ٢٠ دقيقه وبعدين نزل رز. المزه خمس چيلات يعني عشر كاسات رز مغسول وضبط الماي وكتم القدر ١٥ الى عشرين دقيقه من بعد الصفاره وكانت خوش كبسه ويوم صار الليل سوينا المصابيب على الفحم وتعشينا وسرينا اذا عجبكم الفديو لاتنسونازبالايك وتحياتي لكم 🌹
