مساكم الله بالخير اخواني المتابعين وشكرا على لايكاتكم المستمره وعلى تعليقاتكم اول ماتشوفون المقطع لاتنسون اللايك الحين انزلها يوتيوب على قناتي ☝️الي فوق اليوم نزلت لكم طريقة الأچار الكويتي البسيط القديم على طماط وثوم الجبل والخل والبهارات لذيذ وبسيط وناطع المكونات كيلو ثوم جبل ناشف كيلوين طماط متوسط الحجم و٢٠٠ جرام من كل نوع بهار كزبر عدل وفلفل اسود عدل وكمون عدل وفلفل احمر عدل مدلقم وملح خشن طبيعي وسكر وخل ابيض وخل اسود الي اهو البني اي نوع تحبونه الطريقة نغسل ثوم الجبل وونقعه يوم اويومين او نفوحه بالماي عشر دقايق مع ملعقة كركم حتى يلين ثم ينشف وينشر بالشمس في صينية نص ساعه ثم نجهز اناء زجاجي برطمان او بستوق فخار معقم يقلى بالماء قبل ليله وينشف من الرطوبه تمام لكي لايعفن الاجار لأن اي تدخل من الماء اوالرطوبه يعفن اولا نحمس الكزبر العدل والكمون بعد غسله ثم يدق بالهاون ويكسر نخلط الثلاث بهارات مع بعض نجهز الاناء او البرطمان نضيف ملعقتين ملح وملعقتين سكر ونص و كوب بهارات مخلوطه مع الفلفل الاحمر العدل بالقاع ثم نضيف ثوم الجبل ثم الطماط الطازج ثم البهارات والملح والسكر والفلفل الحمر مره ثانيه طبقات حتى يمتلىئ الاناء ثم نضيف الخل الابيض والخل الاسود حتى يمتليئ الاناء الزجاجي البرطمان او البستوق اخر اضافه البهارت والملح والسكر ونسكر الاناء البستوق تمام ونراقبه بعد ثلاث ايام اذا احتاج زيادة نزيده خل وبعدين نتركه ٤٠ يوم يستوي بمكان مضلل بالحوش او بالسطح او بالليوان اوبالمخزن ٤٠ يوم وبعدين نفتحه ونقدمه مع الرز العيش المموش وعلينا وعليكم بالعافيه اذا عجبكم المقطع لاتسوني بالايكات والكومنتات الجميله هذي طريقة امي الله يرحمها واخوي سليمان القصار 🌹
