عيش بالشبنت واللوبيا مع صلصه الدجاج 👌😍😍 .
امس سويييته على الفطور و حده لذييذ و سريييع .
مقادير الرز:
٢ ١/٢ كوب رز مغسول و منقوع
كوب لوبيا مسلوقه او معلبه
شبنت
١ بصل صغير مفروم
هيل-قرفه -ملح
.
الطريقه:
نحمس البصل وانضيف عليه الشبنت ونحمسه عدل ..تالي انضيف اللوبيا و الرز والبهارات ونحمسهم شوي ..اخر شي انضيف الماي مع الملح وانخليه يطبخ العيش ويستوي
.
خلطه الدجاج:
٣ صدور دجاج مقطعه بالطول
كوب خضروات مثلجه
١ بصل شرايح
٢ ثوم مهروسين
نص كوب صلصه البيتزا
قيمر( قشطه) حجم صغير
١ كوب كريمة kdd
ملح وفلفل اسود -بهارات الدجاج-ملعقه صغيره كركم و كاري
.
الطريقه:
نحمس البصل و الثوم وانضيف عليه الدجاج ونحمسه لما يستوي و ينشف ماي الدجاج..تالي انضيف الخضار مع البهارات …ومع الصلصه والقيمر والكريمة ..نخليهم يطبخون شوي تالي انضيفهم فوق العيش ويقدم👌👌
.
#وصفات_نور
.
