《تشيز كريم كراميل》

《تشيز كريم كراميل》
.
احد وصفات حلقة اليوم .. جربوها سهله وسريعه و #لذيذة_لذاذة_اللذوذين_كلهم😋👌
.
القالب ٧ انش مدور او مستطيل طول ١٦ سانتي
.
◾مقادير الكراميل:
.
🔸ربع كوب سكر + م.ك ماء يوضع بمقلى عالنار الى ان يذوب ويتكرمل بدون تحريك وبس يشقر نضيف ملعقه صغيرة ماء ونحركه بسررررعه ونصبه بقاع القالب
.
◾مقادير الكريمه بالجبن :
.
بقدر عالنار نسخن التالي:
.
🔸كوب حليب سائل
🔸١٠٠ مل كربمه سائله
🔸شوي فانيلا سائله
.
بس يسخن مجرد تسخين نرفعه نخليه يبرد
.
بهالاثناء نكون خلطنا بالملعقه او المكينه التالي:
.
🔸️١٥٠ جرام جبن كريمي
🔸️ربع كوب سكر
.
وبس يختلطوا ويصير قوام ناااااااااااعم (ضروري) نضيف عليهم:
.
🔸️٣ حبات بيض .. بالتدريج .. نضيف حبه ونخلط وبس تختفي نضيف الثانية وهكذا
.
الحين نصب خليط الحليب والكريمه اللي كانو ساخنين وبردو شوي .. على خليط الجبن والسكر والبيض والمكينه شغاله .. نصب بشكل خيط رفيع .. وبس نصبه كله نوقف المكينه مباشرة
.
◾الطريقه:
🔹نصب الكراميل بقاع القالب ونصب فوقه خليط الكريمه
.
بس من خلال مصفاية او مشخال للتخلص من اي تكتلات
.
🔹يوضع القالب بمغطس (حمام) مائي وبالفرن حرارة 180 وعلى صينية بوسط الفرن لمدة ساعه .. والنار من تحت طبعا .. نطلعها وتترك لتبرد على السطح عشر دقائق ثم توضع ليلة كامله بالثلاجه وبالعافية 😊👌🏻
.
وعند التقديم .. اقلب القالب بالطبق … واسخن فوطة نظيفه لماء ساخن .. وامسح القالب المقلوب لتسهيل خروجها .. وبس ارفع القالب .. اعصر عليها شوي عصير برتقال 😋😋 وبالعافية
.
.
#تشيز_كريم_كراميل_كلحه #حلويات_كلحه #محمد_الكلحه
.
#٢٠١٨_كلحه #كريم_كراميل_فرن_كلحه