《مافن البرتقال》
.
شكرا لمشاركتكم بسؤال البوست السابق ⚘ اشكر تفاعلكم واقدر لكم تجاوبكم مع المنشورات وان شالله تكون بفايدة
.
الجواب على سؤال البوست السابق كان (المافن) 🤗
.
ولمعرفة الفرق بين المافن والكب كيك اقرأ التالي:
.
🔹️المافن مساماته كبيرة وخشنه اما الكب كيك مساماته اصغر ومتناسقه
🔹️المافن ينتفخ اكثر بشكل الفطر اما الكب كيك شي بسيط ويكون مسطح باغلب الوصفات
🔹️المافن عادي يتشقق من فوق اما الكب كيك غير مستحب هالشي
🔹️المافن نحط بداخله فواكه واضافات اما الكب كيك نحطله كريمه فروستنغ عالوجه
🔹️المافن غالبا بالزيت اما الكب كيك غالبا بالزبدة
🔹️المافن سكر وسوائل والدهن اقل اما الكب كيك العكس
🔹️المافن ينخبز بحرارة عاالية بعدين ننزل الحرارة اما الكب كيك حرارة متساوية طول الوقت بالفرن
🔹️المافن غالبا فيه كربونات اما الكب كيك بحسب مقادير الوصفه
🔹️المافن ممكن يدوي واسهل واسرع اما الكب كيك سهل بس نحتاج مكينه
.
🚩 اتمنى المعلومات كانت مفيدة وياريت تمنشنو غيركم يستفيد وهالله هالله بال 👏🏻👏🏻👏🏻
.
◾مقادير مافن البرتقال:
.
🔸️خليط النواشف:
• ٢ونص كوب طحين
• كوب سكر او اقل شوي
• ٣ م.ص باكنغ باودر
• نص م.ص كربونات
• رشة ملح
• ١ م.ك برش برتقال
🚩 نخلطهم مع بعض بالملعقه جق جق جق
.
🔸️خليط السوائل:
• ٢ حبة بيض كبير
• نص كوب زيت نباتي
• نص كوب حليب سائل
• ربع كوب عصير برتقال طازج
• ١ م.ص فانيلا
🚩 نخلطهم بالمضرب الشبكي مو شرط مكينه تررررررررر
.
🔹الان نضيف خليط السوائل خليط النواشف مرة وحده ونخلطهم جيدا جق جق جق او بالخفاقه تررررررر وطبعا ممكن مكينه بس خذو وقتكم بالتررررررر احسن
.
🚩 اختياري ممكن اضافة الجوز .. او حبيبات شوكولاته او فواكه .. الخ
.
🔹نصب الخليط بقوالب الكب كيك .. راح تحصلوا على 12 حبة تقريبا
.
انتبهوا لاتترسون القوالب .. فقط ثلثين القالب علشان تعطونها مجال تنتفخ
.
🔹بالفرن المحمي مسبقا حرارة 200 من تحت فقط لمده بين ربع ساعه ثم ننزل الحرارة 180 يمكن عشر دقايق او حتى اختبار النضج وبالعافيه 😊
.
.
.
#كب_مافن_كلحه
#٢٠١٨_كلحه #حلويات_كلحه
