الفول والبامية والفاصوليا من الاكلات المشهورة بالزيت الزيتون .. وكل وحده تختلف شي بسيط جدا عن الثانية
🔸️بالنسبة للفول .. اغسله .. واشيل العروق منه
🔸️اقطعه قطع صغيرة .. اسهل للغموس ويستوي اسرع
🔸️على النار سخنت الجدر وبعدين حطيت زيت زيتون بكمية وفيرة
🔸️نزلت الفول وبس يادوبك قلبته ثواني بس علشان يتغلف الفول بالزيت وقصرت النار عالاااخر وغطيت الجدر نص ساعه
🔸️واثناء هالنص ساعه .. كنت افتح الجدر واحرك الفول بدون ملعقه .. علشان يحافظ على قوامه وما يتفتت
🔸️بعد نص ساعه .. يكون الفول صار لونه زيتي وتقريبا استوى .. انزل ثوم مدقوق وملح وفلفل ابيض وكمون وكزبرة بكميات بسيطه جدا
🔸️ونزلت ربطة كزبرة .. المفروض فريش بس ماكان عندي غير مفرزن .. المهم نزلتهم وقلبتهم تقليبة وحده ورجعت غطيت القدر عشر دقايق
🔸️وبس .. و صار الفول جاهز .. نسكبه بالصحن وعليه عصرة ليمون ورشة زيت زيتون وبالف عافية
