《تشوكليت موس كيك》
الفيديو طويل وكنت حاب تشوفونها يوتيوب لافضل النتائج بس عموما اختصرته بأهم اللقطات
◾التحضيرات:
نخفق كوبين كريمه سائله لمن تنتفخ ونخليها على جنب
《خلينا نسميه الطبق رقم (١)》
🔸نسخن كوب ونص كريمة حلويات سائله ونضيفها فوق ٤٠٠ جرام من قطع شوكولاته والافضل داكنه ونخلطهم جيدا لما تذوب الشوكولاته بالكريمه ويتجانسوا
《نسميه طبق رقم (٢)》
⚠️ الكريمه بس مجرد تسخين لايوصل للغليان .. انتبهوا ماياخذ دقيقه عالنار ولا يحترق
⚠️نركز شوي⚠️
صار عندي طبق فيه كريمه مخفوقه (١)
وطبق فيه شوكولاته ذايبه بالكريمه (٢)
اضيف على الطبق (٢) التالي:
🔸️ملعقه صغيرة نسكافه بودرة
🔸️ملعقه كبيرة بودرة جيلاتين مذوبه ب ٣ ملاعق كبيرة ماء دافيء ونخلط جيدا
الحين نضيف الكريمه المخفوقه (١) غلى طبق الشوكولاته الذايبه (٢)
ونحرك بالملعقه الخشبيه او السيليكون .. مع مراعاة عدم المبالغه بالخلط ويرجی خلطهم بطريقة التقليب من تحت لفوق بشكل لولبي دائري علشان لايتم تفريغ الهواء من الخليط .. للحصول علی موس خفيف منتفخ
الخليط صار جاهز ونصبه بقالب تشيز كيك مبطن بورق الزبدة من كل صوب
يكون عندي قطعه كيك اسفنجي دائرية حجمها اصغر شوي من القالب واحطها فوق الموس واضغط بشكل خفيف
لمعرفة وصفة كيكة الشوكولاته الاسفنجية اضغط عالهاشتاق هذا 👇👇
#كيكة_شوكولاتة_كلحه
واخيرا ندخل القالب الفريزر ساعه وبعدين بالثلاجه ثلاث اربع ساعات
نطلع القالب ونقلبه بحيث يصير الكيك الاسفنجي تحت بالقاع .. وبالعافية 😊👌
#حلويات_كلحه #موس_شوكولاته_كلحه
#٢٠١٨_كلحه
