《تاج الريش》
.
طريقة تقديم معروفه وسبقني لها الكثير من الطهاة وحبيت اقدمها بحسابي لتكون مرجع لمتابعين مجلتي المحترمين ⚘
.
الصراحه فخمه وتستاهل التعب مع انها غير متعبه ابدا وفوق هذا #لذيذة_لذاذة_اللذوذين_كلهم😋👌
.
اشتريت ضلعين ريش .. وقلت للحام بسويهم تاج وهو عارف .. ومعظم اللحامين الشوام يعرفونها .. وطلبت منه يفرغ اللحم عن الريش
.
بحيث تبين العظام بس بدون ما يفصل اللحم .. بس يادوبك يفسخ العظمه من لحمها وبالبيت غسلتها ونشفتها تمام
.
بطبق حطيت راسين ثوم ويمكن كوب زيت زيتون او على حسب كمية ضلوع الريش وفوقهم ملح وفلفل اسود وشوية بهار لحم وبابريكا وعندي بهار مندي حطيت منه شوي ومولازم ترى
.
تبلت الريش تمام التمام وتبلت صينية خضار بدون تقطيع .. بطاط صغييييير بالقشر وطماطم كرزي وفلفل ملون وطبعا بصلللللل وجزرررر كتييير
.
غطيتهم نايلون وخليتهم بالثلاجه لثاني يوم
.
طلعتهم وبصينية الفرن حطيت الريش وشكلتهم بشكل التاج وربطتهم بخيط وعلشان تمسك بعضها لفيتها بقصدير وحواليعا الخضار راح تمسكها بعد
.
ولأن الصينية وااسعه .. حطيت حواليها مثل طوق قصدير علشان تتماسك اكثر وصبيت فوقها شوي من ماء سلق عظام الريش الزايدة
.
وغطيت الصينية كلها بقصدير ودخلتهم فرن حامي اعلى درجه نص ساعه بعدين نزلت الحرارة الى مئتين درجه وتركته ساعتين
.
طلعتها وكشفت القصدير واشعلت الفرن من فوق وقصرت النار تحت .. وخليتها نص ساعه
.
رجعت طلعتها ونزعت القصدير اللي حوالين تاج الريش ورجعتها الفرن ربع ساعه
.
تأخروا ضيوفي .. قمت طفيت الفرن من فوق وخليته بس تحت على اقل درجه يمكن نص ساعه والصراحه جت من حظي لان التاج صار منهنه😋
.
قدمته مع ارز شرقي مبهر باللحم المفروم والخضار .. وبالعافية 😊👌🏻
.
.
#وصفات_كلحه #تاج_ريش_كلحه
.
#٢٠١٨_كلحه #تاج_الريش_كلحه
