《السوتلاش التركي》
.
طبعا لازم استخدم المستكه بس مافي شك تقدرو تستبدلوه بأي نكهه ثانية (ماء ورد او زهر او فانيليا)
.
عموما هو طبق سهل وسريع و #لذيذة_لذاذة_اللذوذين_كلهم😋👌
.
◾الطريقة والمقادير:
.
🔸️نص كوب رز مصري
🔸️٢ كوب ماء لسلق الرز
.
🔸️لتر حليب سائل
🔸️نص كوب سكر
🔸️ملعقه كبيرة دبس المستكه
.
🔸️٣ ملاعق كبيرة نشا
🔸️كوب ماء لتذويب النشا
🔸️صفار بيضه واحده
.
🔹️نسلق الرز بالماء على نار متوسطه لما الرز يشرب كلللل الماء ويستوي ونخليه على جنب
.
🔹️بقدر ثاني على نار متوسطه ويفضل تحته حديدة .. نسخن لتر حليب ونص كوب سكر (او حسب الرغبة)
.
🔹️بس يسخن الحليب (مجرد تسخين وليس غليان)
.
🔹️نضيف ملعقه من دبس المستكه .. علشان يذوب بسهوله بسخونة الحليب
.
📍الدبس متوفر بهذا المحل وعندهم موزعين بكل الخليج 🇦🇪🇰🇼🇴🇲🇶🇦🇸🇦🇧🇭
@develi73
.
🚩 واللي ماعنده الدبس يطحن ثلاث حبات مستكه بالهاون مع ملعقه صغيرة سكر ويضيفهم
.
🔹️على جنب نذوب ثلاث ملاعق نشا بكوب ماء بارد وصفار بيضه (لااازم صفار البيضه)
.
🔹️ونضيفهم فوق الحليب الساخن ونحرك بسرعه اثناء اضافة هالخليط
.
🔹️نرفع شعلة النار .. ونضيف الرز المستوي ونستمر بالتحريك على نار عالية لما يثقل الخليط .. بس شوفوا قوامه بالفيديو .. ثقيل بس مايل للسيوله .. لاتخلونه ثقيييييل
.
🔹️نصب السوتلاش باطباق الفرن (مو لازم فخار)
.
🔹️ونحط الاطباق بصينية فرن ونصب فيها ماء
.
🔹️ندخل الصينية الفرن والرف أعلى شي فوق .. ونشعل النار تحت وفوق
.
🔹️تحت الحرارة ١٨٠ وفوق تكون الشعله عالية شوي ونخليهم يمكن خمسة الى عشر دقايق لما يتحمر ويحترق شوي وهذا شي طبيعي
.
🔹️نطلعهم ونشيلهم من مغطس الماء .. بس يبرد شوي ندخلهم الثلاجه عالاقل نص ساعه ونزينهم بالمكسرات وبالعافية 😊👌🏻
.
#محمد_الكلحه #سوتلاش_كلحه #حلويات_كلحه
.
.
