تسوون مقلقل بالعيد ؟! 🧐 احسها موجوده في كل البلدان لكن بنكهة خاصه مميزه باهلها 😀👌🌹
معروفه بشاور بشغل اللحم ف قلت اجيب منها وصفه لحم اخرى و في اسهل من مقلقل 😄🍖🍖 خصوصا انا سويتها ب لحم الفخذه+ ريبز 🍖😋
المقادير
مقادير لكل ٣ كيلو لحم :
- ٣ بصل وسط
- ٦ طماط وسط
- ثوم راس
- زنجبيل قطعتين
- بهارات صحيحه : كمون ١ م ك ، كزبره ٢ م ك ، فلفل احمر مجروش ٣ م ك اوراق الغار ٤ ، نجمه يانسون حبه ، قرفه عودين الى ٣
- ١ م ص كركم
- ٢ م ص ملح
- ٢ م ك قرم ماسالا
- اللي ماخذين من شغلي ضيفو قرم ماسالا خشن 👌
طريقة التحضير
في كراي او قدر نضيف بصل نقلب لين يقرب يصير لونه ذهبي نضيف عليه لحم على نار عاليه و نقلب عشان يتقمر شوي نوطي النار و نضيف عليه البهارات الصحيحه نقلب كم ثانيه ثم نضيف ثوم و زنجبيل مبشورين نقلب شوي ثم نضيف طماط مقطعه انصاص و نغطي عليه لين يستوي ، بعد ما يستوي نفتح الغطاء و نشيل قشر الطماط ثم نضيف عليه بهارات المطحونه مع ملح و نقلب لين ينهرس الطماط كله ، نزين ب كزبره و فلفل اخضر و بالف عافيه 👌🌹
