مفركة كوسا مع عصرة حامض رشة نعناع ناشف .. بتبكي من اللذاذة 😋😢
ام ليون بتسويلنا كوسا باللبن .. سألتني .. اخبيلك لب الكوسا ؟؟ قلتلها وليش تخبيهم .. بتعشى عليهم حالاااا 😍
قلبت بصلة بزيت زيتون وبس ذبلت نزلت حبتين ثوم وكملت تقليب لما ذبلوا وطلعت ريحتهم 🤤
نزلت عليهم لب الكوسا وقلبتهم .. ونزلت ملح وفلفل وكزبرة وكمون وشطة ناشفه مجروشة
وهاااات يا تقليب لما بدأ تذبل .. صبيت نتفة ماي وغطيتهم على نار هاااااادية يمكن عشر دقايق
وبصحن التقديم عليهم شوية نعناع ناشف وزيت زيتون وعصرة ليمون .. ورغيف سخن ويلااا 👋🏼
والحمدلله عالنعمه 🙏🏻⚘
#مقبلات_كلحه #محمد_الكلحه #لذيذة_لذاذة_اللذوذين_كلهم😋👌 #مفركة_كوسا_كلحه
