هذا عشانا امس عند فيصل الشايع بالاستراحه مع ربع الدوام وطبخت لهم مرق لحم طلي صغير وسويت مرق خاثر مسقعة مع القرع والبطاط على طريقتي الخاصه
عرقت اللحم مع لبهارات والبصل بقدر الضقط ساعه ونقلته بقدر اخر
ومرقت عليه صلصة الطماط والطماط الطري وشوية خضره
وكانت بهاراته:
- الكمون
- الكركم
- الفلفل الأسود
- الكزبر الناعم
- الفلفل الحار
- ملعقة كاري
حمستهم مع اللحم ونزلت وعصير الليمون واخر شي البطاط والقرع والثوم العدل والفلفل العلوب للزينه وخليتها تتسبك ساعتين
وسويت معاها عيش مشخول طويل الحبه xxxxxL على سمن الكويت وفوقه فرقعاه بصل محموس على سمن وكركم
وتحته حكوكه تحياتي لكم يا متابعيني الاعزاء 💐💐
