مرق سمك بالول يا ويلي شو طيبه هالاكله 🥇
( الهامور الصغير اسمو بالول )
اكله كويتيه🇰🇼 كتير طيبه خصوصا بسمك البالول
جربها شيف كتير طيبه
اهم شي بهالطبخه نطبخها عالهدى ونقلي كل شي منحطو بالطنجره .
البهارات : بهار سمك – كزبره – كركم – لومي – ملح .
منبهر السمك ومنتركو نصف ساعه وبعدين منقلي .
بطنجره : زيت من قلي السمك وسمن بصل ليستوي منضيف الثوم حبة لومي وقطعة زنجيبل منقلي الثوم بعدين منضيف كزبره و شبنت منقليهن ومنضيف البهارات منقلي البهار منضيف معجون البندوره كمان منقلي المعجون وبعدين منضيف بندوره مهروسه ومنغطي ٥ دقايق عنار هاديه
منضيف شوية ماء مغلي وتمر هندي
و منغطي ليثقل المرق مع رشة ملح .
منضيف السمك ورشة كزبره وشبنت ومنغطي ٥ دقايق .
الرز : منسلق الرز ثلاث ارباع استواء بماء مغلي في شوية زيت وملح وورق غار
بطنجره سمن وزيت بصل ليحمر منضيف الرز المسلوق وشوية زيت عالوج منغطي نار هاديه ١٠ دقايق .
#مرق_بالول_فاطمه_كتشن
هل الفيديو لا يعمل؟ إضغط هنا
