♥️😻 كيكة بالشعيريه الباكستانيه
ألذ واطعم كيكه ممكن تذوقوها جربوها وبإذن الله تعجبكم 👍🏻
⠀
المقادير :
علبة زبادي ١٧٠ غرام
بنفس علبة الزبادي سكر
بنفس علبة الزبادي زيت
٣ بيضات
ملعقه صغيره فانيليا
كوب دقيق
كوب جوز هند
ملعقه كبيره بيكنج بودر
كيس كامل شعيريه باكستانيه
ثلاث ارباع العلبه حليب مكثف
⠀
الطريقه :
اول شيء نسخن الفرن على ١٨٠ درجة ونخلط المواد السايله مع بعض وضروري البيض والزبادي يكونوا بدرجة حرارة الغرفه وننخل الدقيق والبيكنج بودر مع بعض واخر شيء نحط جوز الهند ويكون الخلط بإتجاه واحد ومجرد مايختفي الدقيق نوقف مانخلط كثير عشان تنجح معانا الكيكه بعدين نصبها في صينيه مدهونه بزيت ونحط فوقها الشعيريه غير محمصه لانها بالفرن تتحمص مع الحراره ونكسرها لقطع صغيره
⠀
تقعد بالفرن تقريباً من ٣٥ الى ٤٠ دقيقه بالرف الوسط من تحت واذا حابين تحمروها من فوق حمروها واول ماتطلع نختبر نضوجها بغرس السكين وسط الكيكه اذا طلع نظيف معناته استوت ونسقيها بالحليب المكثف وهي حاره ونتركها تبرد وتشرب كل الحليب واخر شيء نقطعها وراح تذوقوا ألذ واطعم كيكه 🍰
⠀
✨ من اهم اسباب نجاح الكيك :
– نسخن الفرن قبل مانشتغل على حرارة ١٨٠درجة مئويه
– المواد تكون بدرجة حرارة الغرفه زي البيض والزبادي .. الخ
– نخلط السوايل لوحدها والنواشف لوحدها
– ننخل الدقيق والبيكنج بودر قبل اضافتها للسوايل
– نحرك الخليط بهدوء وبإتجاه واحد وبس يختفي الدقيق نوقف
– بعد مرور نص الوقت نفتح الفرن ونشيك عليها بغرس العود اذا طلع نظيف معناته استوى واذا طلع فيها عجين نتركه ونقفل باب الفرن بهدوء عشان مايدخل الهواء وتهبط الكيكه
#حلويات_فنو_الجوهر
⠀
جميع الادوات المستخدمه في الوجبه متوفره
لدى معارض ومتجر قصر الاواني الالكتروني
⠀
@qasralawani
@qasralawani
@qasralawani
