كيكة الشيفون بالكريمة
المكونات والطريقه:
اربع بيضا نفصل البياض عن الصفار.
ناخذ الصفار شوي بعدها
نص ملعقة فانيليا مع ربع ملعقة
السكر ٦٠ غرام تقريبا نص كوب ونخلطهم باليد او المكينه اليدويه لين يتغير اللون وتصير كريمين.
بعدها نضيف ٨٠ غرام حليب سائل
او كوب الاربع تقريبا.
بس انا ترا استخدمت الغرام.
ونخلط بعدها باليد ثم نضيف
الزيت ٤٠ غرام تقريبا ربع كوب.
ونخلط
اخر شي ١٠٠ غرام طحين تقريبا كوب طحين جميع الاستخدامات .
الافضل تستخدمون القياسات بالغرام جذي تنضبط معاكم الكيكة. مع نص ملعقة بيكن بودر تنخلونهم
وتخلطون الخليط باليد.
واتخلونها على جنب.
الخليط الثاني بياض البيض
تخفقونه لين يصير كريمي وشوي شوي تضيفون نص كوب سكر تضيفونه على بياض البيض ثلاث دفعات لين يتحول عندكم كريمي ولونه ابيض.
اخر شي تضيفون هذا الخليط ايضا على دفعات على خليط الكيك مثل الفيديو سوو نفس الطريقه بالفيديو وتضبط معاكم.
بعدها بماعون فرن مربع يكون او دائري حسب المتوفر يكون صغير
بالفرن الحديدة بالنص يكون حار من قبل درجة الحرارة ٣٥٠
ناخذ وقت ٣٥ دقيقة.
على ما تجهز الكيكة
الكريمة سويتها بطريقتي انا روعه طلعت.
حطيت ظرفين دريم ويب مع ملعقة زبدة وملعقتين كريمة او حليب سائل مع ملعقتين جبن كريمي اي نوع وربع كوب سكر وتخففونها لين تصير ثقيله واتخلونها شوي بالثلاجة.
بعد ما تبرد الكيكة توزعون الكريمة حسب اللي تحبون وبالعافيه.
ضروري تجربونها وايد لذيذة واحلى من شغل الجاهز.
#وصفة_كيكة_الشيفون_نادية_كوك
#وصفات_كيك_نادية_كوك
