المقادير
- ثلاث بيضات
- ثلث كوب سكر
- ٩٠ غرام طحين يعني كوب
- ٣٠ غرام زيت يعني ملعقتين اكل زيت
- روب ٦٠ غرام يعني ثلث علبة روب
- ملعقة عصير ليمون او تستبدلون الليمون بالفانيليا
طريقة التحضير
اول شي نخلط الزبادي والزيت والليمون وانخليهم على جنب.
ثانيا / نفصل البياض عن الصفار/
نخفق البياض لين يتغير اللون بعدها نضيف السكر على دفعات لين تتكون عندي الكريمة .
بعدها نضيف صفار البيض وحده ونخلط وهكذا.
بعدها الطحين ونخلط المكونات بالملعقة لين يختلط الطحين عدل.
بعدها تاخذ ملعقة من الخليط وتضيفها على الروب اللي سوينا بالبدايه تخلطهم بعدها نضعه عالخليط ونخلط شوي شوي.
وبماعون فرن مقاسه ١٥ نضع الخليط وبالفرن يكون حار من قبل ودرجة الحراره ١٧٠ الوقت من نص ساعه الى ساعه الاربع بالنص تحطون الماعون.
انا اخذ معاي ساعه الاربع.
ما شاءالله طلعت روعه وترررفة وخفيفه وسكرها معتدل جدا.
جربوها وبالعافيه.
#وصفة_كيكة_الزبادي_نادية_كوك
