كيكة التوت البري
اولا اعلمكم عالكيكة الاسفنجية اللذيذه
في خلاط الكيك احط اربع بيضات وثلثين الكوب سكر وملعقه كبيره فانيليا واشغل الخلاط واخليها تخفق لحد ماتنفش وتصير كريمة (الوقت شوي طويل)
وبعدين اضيف ثلاثث ارباع الكوب دقيق وملعقه بكنج بودر ورشة ملح اضيفهم بالتدريج بعد مانخلتهم باصفايه واقلب بالملعقه بشويش وانتبه ماابالغ بالتقليب
احطهم بصينيه مدهونه زيت ودقيق وممكن استخدام ورق الخبز واحطها في فرن حرارته ١٥٠ واتركها في الفرن بدون ماافتح لمدة عشرين دقيقه او لحد ماتستوي جيداً
اخرجها من الفرن واتركها تبرد واقسمها بالنص وابدأ الحشوه والتزيين
لحشوة التوت البري :
كوبين كريمة خفق باردة وملعقتين سكر واخفقهم بخلاط الكيك وانتبه مابالغ بالخلط عشان لاتخرب الكريمه وبعدين اضيف عليها نص كوب مربى توت بري اسود انا اشتريها طازجه من محل الاجبان مو المعلبه واحشي الكيكة وادهنها من الخارج .
للكريمة البيضاء:
ملعقتين سكر واربع حبات جبن كيري الينهم مع بعض بالخلاط واخفق كريمة الخفق واضيف الجبن واخلطهم لحد مايتجانسو واحطها بالتلاجه تبرد وتتماسك واحطها بكيس حلواني وازين الكيكة عالوجه .
#كيكة_توت_بري #كيك #كيك_التوت #كيكة_فواكه #تشيز_كيك #حلا #حلى #كيكة_اسفنجية #كيكة_اسفنجيه
