عمركم جربتوا كفته باللبن .. كانت النية نسوي شيشبرك .. بس بدون سبب خطرلي اسويها كفته بدال الشيشبرك اليوم .. واللبن ماشاءالله طلع ولا غلطه
بس مايمنع اني حطيت كم حبة شيشبرك باللبن 😜
اشتريت نص كيلو كفته وبالبيت حطيت لها ملح وبهار (استخدمت منتجي بهارات اللحم المفروم)
وسويتهم كرات .. وقلبتهم بالمقلى مع شوي زيت
نجي لعمل اللبن:
حطيت ٢ كيلو زبادي مع ٦ ملاعق كبيرة نشا وذوبتهم تمام
احطهم عالنار وتحريك مستمر لما اللبن ينطبخ وتطلع ريحته ويبدأ يغلي
نضيف ملح حسب الرغبه وننزل عليه الطشة او الأدحه نسميها .. وهي تقلية ثوم وكزبرة
بعدين اقصر النار .. وانزل الكفته واخليهم على نار هادية شوي وبالعافية
