النهاردة هنعمل وصفة خطيرة و تنفع صيامى، هنعمل كرانشى فرايز رهيبة.. يلا بينا
المقادير
- كوباية دقيق
- نص كوباية نشا
- معلقة صغيرة من كل نوع (ملح، فلفل، كركم، بابريكا، كمون)
- معلقة صغيرة بيكنج باودر
- كوباية مياه.
- خلطة البطاطس
طريقة التحضير
هنجيب بطاطس نقطعها صوابع و ننزلها فى مياه بتغلى لمدة دقيقتين و نطلعها و نسيبها تنشف كويس جداً.
هنحط الخليط بتاع الدقيق و نزود له المياه شوية شوية و نقلب لحد ما توصل للقوام اللى فى الڤيديو ده، بعد كدة نعمل نفس المقادير كمية تانية بس من غير مياه.
هنجيب بقى البطاطس ننزلها فى الخليط اللى فيه مياه و نطلعها و نحطها فى الخليط الناشف بعد كدة نقليها فى الزيت.
هيبقى عندنا بطاطس واخدة طبقة مقرمشة جداً من بره و من جوه دايبة هنجيب بقى خلطة البطاطس الجميلة من (كنور) المحببة لقلبى و نرشها على البطاطس من بره ده بقى هيعلى الطعم خالص😍 جربوها و قولوا لنا رأيكم 😍😍
