مكونات العجينه :
- ملعقة كبيرة ونص حليب بودرة
- نص فنجان سكر
- نص علبة زبادي
- نص ملعقة كبيره خميرة
- نص ملعقة صغيرة بيكنج بودر
- ربع كوب زيت
- نص كوب ماء ماء دافي
- رشة ملح
- كوبين دقيق ( وممكن نحتاج اكثر المهم تتماسك العجينة)
مكونات الحشوة والتغطية :
- جبن مربعات
- قرفة
مكونات الصوص الابيض :
- 6 حبات جبن كريمي
- علبة حليب مكثف محلى
طريقة التحضير
نخلط مكونات العجينة مع بعض ما عدا الدقيق ثم نضيف الدقيق بالتدريج ونعجنها ونخليها تتخمر ساعه بعد كذا ناخذ قطع صغيرة من العجينة ونحشيها بالجبن ونكورها ونغمسها في القرفه ثم نصفهم في الصينية وندخلهم الخبازة وهي ساخنه خمس دقايق تقريبا على درجة حرارة 3 او ( بالفرن من تحت على درجة حرارة 180 لين يستوون تقريبا بياخذون 20 دقيقه او اقل )
بعد كذا نخلط مكونات الصوص في الخلاط ونصبه فوقهم ثم نزين الوجه بنوتيلا مذّوبه ويقدم بالعافيه 😋🤍
ملاحظه : ( اذا حابينهم يكونون متلاصقين مثل الخليه صفوهم جنب بعض اول ثم امسحوا الوجه بحليب ثم رشوا القرفه من فوقهم)
بس انا ابي الكرات تتغطى بالقرفة بالكامل تاخذ النكهه اكثر لكذا خليتهم مفرقين
