كبسة كنعد الهندية من احلى و اسهل و اسرع انواع الكبسات اللي مره احبها و معتمدتها للضيوف كمان 😃👌🏻
المقادير
نتبل كيلوين كنعد ب :
- شات ماسالا ٢ م ك
- قرم ماسالا ٢ م ك
- ملح ١ م ص
- عصرة ليمون اصفر ٢
- معجون ثوم و زنجبيل ٤ م ك
نخليه يرتاح فيه نص ساعه ثم نقلي في زيت عميق على نار عاليه
ننقع الرز ( ١ كيلو و نص ) في خل ٣ م ك و ماي
في قدر اخر نصب شوي من زيت اللي قلينا في السمك و نضيف ٤ بصل وسط مقطعين نص القمر و نقلب لين يذبل ثم نضيف عليه اوراق الكاري بتا نص حزمه مع لومي ٣ و فلفل رومي مقطع صغار ٣ حبات و فلفل اخضر ٤ نقلب لين يذبل كل شي ثم نصب عليه ١ كيلو طماط مضروب ب خلاط مع ثوم راس و زنجبيل انشين( انا ضفت هنا كمان قرم ماسالا ناعم من شغلي ٢ م ك مع بهاراتي مخلل السمك ٣ م ك ) .. نضيف ملح و نضيف قطع كنعد الصغيره عشان الكبسه تاخذ النكهة ثم نتركه على نار وسط لين يثقل القوام و يطلع الزيت .
اخر شي نضيف رز منقوع و عليه نصب ماي حار نتركه لين يستوي و بالف عافيه ❤️🐟
