زمااااااان عنها والله .. دايما اسوي فاصوليا بالزيت .. هالمرة لقيتها مليانه بالسوق .. رحت واشتريت لحم غنم بدون عظم وقطعته حجم صغير
▪︎بالقدر حطيت سمنه وقلبت بصل وكرملته
▪︎نزلت اللحم وشوحته عدل مدل 🤗
▪︎نزلت ثوم وكزبرة فريش
▪︎بعدين حمست معاهم معجون الطماطم
▪︎نزلت الفاصوليا مغسوله ومقطعه وقلبتها عالاقل اربع خمس دقايق
▪︎اضافة متي حطيت جوز مجروش .. بحبه مع الفاصوليا 😍
▪︎وبعدها نزلت حبة طماطم مفرومه
▪︎وبعدها عصير طماطم (طماطم مضروب بالخلاط مع شوية ماء)
▪︎وكملت بماء عادي ولاننسى الملح وبهاراتنا
وكل واحد وكيفه
▪︎انا حطيت منتجي السبع بهارات (مالي غنى عنه بكثير وصفات) وزودت كمون وكزبرة
▪︎تركته يغلي اكثر من خمس دقايق بعدين غطيت القدر واخذ مني اكثر من ساعه الصراحه وندمت اني ماسويته بالضغط لان قطع اللحمه كانت تعتبر كبيرة شوي .. بس لاتقلقوا لان الفاصوليا تتحمل غلي عالنار مااا تهتري ابدا
