عيش البخاري ( كولجه ) لذيذ و طري زي القطن ماشاءالله ﻻقوة اﻻ بالله و الأطفال ح يحبوه مره 😍 😍
ملاحظه : انا استخدمت على المكيال كاسة جبن كرافت سائل الكبير
عجين الكولجه 🍞
المقادير
- 4 كاسات دقيق ابيض فاخر او الكويت
- 5 ملاعق كبير حليب بودره
- 4 ملاعق كبير سكر بودره
- نصف ملعقه كبيره ملح
- اصباع زبده ذايبه ابو 100 جرام
- ملعقه كبيره مليانه خميره
- نصف كاسه مويه دافي
- كاسه إلى ربع مويه عايدي
طريقة العجين :
ضعي الدقيق في الغداره و اعملي حفره وسط الدقيق . ضيفي على اطراف الدقيق زبده و حليب البودره و ملح و في وسط الدقيق ضيفي سكر البودره و الخميره و اسكبي فوقه مويه الدافئ و اتركيه شويه حتى يطلع منو رغوى و بعدها اسكبي مويه العايدي و اعجني جميع المقادير جيداً حتى يصبح ملمس العجين ناعم و بعدين غطي عليه و اتركيه يخمر من ساعه ونصف الى ساعتين 👌
طريقة عمل العيش :
قطعي العجين على 4 وصله متساوي ( او قطعي العجين حسب حجم العيش الى تبغي) و من ثم كوري العجين و غطي عليه بالنايلو واتركيه يرتاح نصف ساعه و بعدين اكبسي العجين بيدك بحيث يكون وسط العجين اخف من الاطراف و بعدين اغرزي العجين بى الشوك او ب مسمار خاص حقة العيش و بعده رصي العجين في الصينيه مدهون بي الزيت ( ملاحظة : خلي بين كل عجين مسافه طيب عشان مايلتصق يوم ينفش ) و ادهني العجين بخليط البيض ( حبة بيض مخلوط مع ملعقه كبيره حليب ) و رشي عليه حبه سوده و بعده كمان خليه يرتاح ربع ساعة وبعدين ادخليه في فرن مسخن مسبقاً و يكون النار متوسط و اتركيه يحمر من فوق و من تحت و يستوي و بعد ما تخرجيه من الفرن ب شويه رشي عليه سكر بودره وبالعافيه عليكم 👍🏻
ملاحظة : ممكن تسوي بالنفس العجين دونات يطلع ممتاز
ماشاءالله ﻻقوة اﻻ بالله
