من الذ الايدامات ب مقادير جدا بسيطه و بتكنيك مطاعم 😀
لكل ٢ كيلو صدور دجاج :
- ١ كيلو طماط
- زيت خردل ٣ م ك مع زيت ذرة
- ٣ فلفل رومي كبار ملون
- ١ كوب زبادي
- ثوم راس كبير و زنجبيل مبشور
- بصل ٢ كبار مقطع مكعبات
- مخلل مشكل باكستاني او مانجو ١/٢ كوب
- البهارات الصحيحه : هيل ٤ ، قرنفل ٦ ، كمون ١ م ك ..
- بهارات المطحونه : بهار ليمون ١ م ص ، ملح ١ م ص ، بهاراتي مخلل ٢ م ك
طريقة التحضير
في قدر نصب زيت النوعين و عليه نضيف بهارات مع فلفل اخضر ١ حبه و نقلب كم ثانيه ثم نضيف ثوم زنجبيل نص الكمية مع دجاج و نقلب لين تنشف ماي الدجاج ، على جنب في قدر اخر نضيف زيت و عليه الطماط مع ماي و نغطي ٨ دقايق عشان يفصل القشر ، نشيل القشور ثم نضيف بهارات مطحونه مع ملح و مخلل و نتركه لين يثقل نحاول نفك الطماط ب ملاس ، لما يستوي نضيفه على الدجاج و نتركه على نار هادية ، في قدر ثالث نصب شوي زيت و نقلب فيه الخضار دقيقتين الى ٤ ثم نضيف الخضار على القدر الاول و نقلب كل شي سوا نزين ب كزبره و بالف عافيه 👌🏻
