دجاج مشوي مع الخضار

اليوم سويت دجاج مشوي مع الخضار بدون رز
بجدر المندي العجيب .
طبعا هذا الجدر يايبته معاي من الكويت .
البهارات كاري فلفل اسود فلفل باودر احمر
صلصة الكتجب
عصير ليمون ثوم نعم شوي
الخضار
حطو اللي تحبون
انا حطيت جزر كوسه بطاط شرايح الليمون والبصل .
زيت زيتون
وبهرت الدجاج وايضا الخضار ويجدر المندي اخذ ساعه .
شوفو الشكل النهائي روعه كل شي ذايب وطعم اينن .
يصير تحطونه بالفرن . عادي
تحت اول شي تالي فوق. وبالعافيه .
—

كل الحب والشكر على تواصلكم الجميل متابعيني
واسعدوني بتواصلكم الراقي .
— —- اي احد يبي ياخذ اي فيديو من فيديواتي استاذنو مني وما راح اردكم .
يعني تخيلو وحده ماخذه اربع فيديوات مال اليوم واحد وامس ومنزلتهم ورا بعض بحسابها ولا حاطه منشن ونفس الكلام اللي كانبته انا لكم منزلته والطريقة تخيلو يعني ليش جذي هذا شغلي وتعبي
وكلمتها وكلموها ما ترد. عالعموم انا اخذت رقمها .
ومو محلله لان حتى مو حاطه منشن تخيلو تحط منشن ثاني حق حساباتها .
واي فيديو تبونه متابعيني كلموني وما راح اقصر معاكم وشكرا لكم ❤️
@nadia_cooks
@nadia_cooks