خلاخن كلاكند
اسمها في بلادكم ؟ خلاخن ولا كلاكند !😀
سبق عملتها معكم بطريقة تجبين لكن هالطريقه افضل من ناحية النكهة حاجه ما تتفوت . تتوقعون نقدر نعمل منه نكهات مثل نوتيلا ولا لوتس 😀 فكرت بصراحه فوقها شعيرية باكستانية محمصه ب زبده 😋
المقادير
- ٣ لتر حليب
- ١ كوب سكر
- هيل ٨ مطحونه
- جبنة بنير ٥٠٠ غ
- مكسرات للزينه لوز مطحون ١/٤ كوب و كاجو مطحون ١/٤ كوب
- حليب بودرة قبل النهاية ١ كوب و خلال العمل ١/٤ كوب
طريقة التحضير
في قدر واسع نصب الحليب السايل كامل الدسم و نتركه يغلي مع تقليب بين فتره و فتره لين يوصل ربع الكمية ثم نضيف سكر و بنير و هيل و مكسرات مطحونه و حليب بودرة ربع كوب الاول و نتركه يثقل ، نضيف حليب بودرة كوب عشان يساعدني و يثقل بسرعه و قبل ما اطفي النار عشان ما يذوب تماما
نصبه و هي حارة في صينيه مدهونه ب زبده او ورق زبده و نتركها تبرد ثم نقطع
