اسرع حلى بحشوات من اختياركم 👌❤️
حلى السميد
لهالحلى يستخدم القالب المثلث حبيت استخدم قالب بشكل ثاني وانتو فيكم تختارو حسب المتوفو
طريقة التحضير
بنذوب معلقة صغيرة خميرة ومعلقة كبيرة سكر بكوب الا ربع ماء دافي وبنتركو خمس دقايق
كوب سميد ناعم (مش فرخة)
كوب طحين
٢ معلقة كبيرة حليب بودرة
نصف معلقة صغيرة باكينغ باودر
رشة ملح
بنحركهم وبنبسهم بربع كوب زيت نباتي
بنضيف الماي الدافية اللي ذوبنا فيها الخميرة بالتدريج لنحصل ع عجينة لينة (كمية الماء ممكن تزيد او تنقص حسب نوع الطحين والسميد)
بنترك العجين ترتاح ٢٠ دقيقة
بعدها بنفردها وبنقطعها لقطع صغيرة حسب حجم القالب وبنحط الحشوة وبنسكر الاطراف بالماي وبنقليها بزيت حرارته وسط مع استمرار التحريك ليصير لونهم ع شقار بنشيلهم وبنحطهم بالقطر وبنزينو حسب الرغبة
الحشوة اختيارية ممكن تنحشى ( جبنة مربعات، تمر، قشطة) انا حشيتها مكسرات حمصتها وطحنتها واضفت عليها حليب مكثف وبالعافية.
