جريش الشوفان
مساء الخير احلى متابعين 🌿🌿🌿🌿جريش الشوفان لذيذ وسريع
وقدمته اليوم جانبي بالفخارات الصغيرة مع كبسة رز وسلطة واذا كان طبق رئيسي نقدمها في البوادي الخاصه بالجريش او الحافظه
وهذي طريقتي
نحتاج
صحن صدور دجاج بدون عظم
نطبخه مع بصل وفلفل احمر واسود ورق غار ونصفيه ونقطع الدجاج صغير ونتركها جانبا ثم
نحمس بصله ناعمه بملعقة سمن المراعي ونضع ٢طماطم مقطع وملعقتين معجون طماطم
وفلفل اسود وكمون وبس تتسبك نضع مرق الدجاح اللي سبق طبخنا فيه الدجاج ( تقريبا خمس كاسات ) وممكن تزيدون حسب سماكة الجريش اللي تحبونها
ونضع الشوفان(كاسين شوفان)ونضع الدجاج المفتت ناعم ونتركها تطبخ ٢٠ دقيقة ثم يقدم ويزين بالبصل مع المسمنه( بصل مقطع نضعه مع السمن على النار ونقلب حتى يذبل ثم نضع المسمنه جاهزه او ليمون اسود مطحون وقرفه وهيل كلها ناعمه وملعقة سكر صغيره )
ممكن تضيفون ملعقة معجون طماطم وتمر هندي للبصل الطعم روعه 👍👍
وممكن اذا تبونه ابيض ماتحطون طماطم ولا معجون ونضع عليه علبة لبن المراعي الصغيره وعلبة حليب نفس المقاس 👍👍
