النمورة (بسبوسة تقليدية)
لما نزلت هالفيديو عالستوري وصلني تعليق من رادار 👀 اقصد من احد الاخوات تقولي ليش حاط عالطاوله شرشف او مفرش الوانه غريبه كانه كمبل؟ 🤔
هو فعلا كمبل مو مفرش اتعمد احطه لما نكون بروحنا بالبيت ومافي حد غريب او ضيوف .. يحمي الطاوله تتزلغ او تتجرح .. وغسيله سهل وما يحتاج كوي او أوتي
◾نرجع للبسبوسة ..
المقادير
- ٢ ونص كوب سميد خشن
- نص كوب سمن ذايب
- كوب سكر
- كوب روب (زبادي)
- نص كوب جوز هند واللي مايحبه استبدله بربع كوب سميد
- نص م.ص باكنغ باودر
- ربع م.ص كربونات صودا
- ١ م.ك ماء زهر او ورد
- شيرة للتسقية تكون خفيفة وسط
- لوز شرايح للزينة
#بسبوسة_كلحه #حلويات_كلحه
طريقة التحضير
🔹️نخلط المقادير الجافه بالملعقه جق جق جق ونضيف عليها السمنه ونفرك باليد جيدا جق جق جق
🔹️نضيف الزبادي او الروب مع ماء الورد او الزهر ونكمل عجن وخلط جق جق جق
🔹️نفرد الخليط بصينية مدهونه سمنه او طحينه (هرده) ونقسمها بسكينه مبلوله شوي ونزينها بشرايح اللوز
🚫🚫🚫 ملحوظه مهمه:
نترك الصينية ترتاح نص ساعه قبل مانخبزها وممكن نخلي العجينه ترتاح قبل لا نفردها بالصينية
🔹️عالفرن المحمي مسبقا حرارة ١٨٠ من تحت فقط لما تحمر من تحت .. يبين من لما تحمر الاطراف
🔹️نطفي تحت ونشعل فوق نحمرها .. ونطلعها ونسقيها بالشيرة الساخنه مباشرة ونتركها تتشرب وتبرد تمامااااااا وبعديين نقطعها .. وبالعافية 😊👌🏻
#٢٠١٨_كلحه
