السليق 🤩🤩🤩
الكمية تكفي ( ٤ الى ٥ أشخاص )
المقادير
- دجاج
- كوبين رز مصري منقوع بمويه عادية لمدة ساعة
- لسلق الدجاج استخدمت لتر ونص مويه
- وبعدها حطيت نص لتر مويه كمان عشان احنا نحب السليق سائل مو جامد
- ملح حسب الرغبة
- ٥٠٠ مل حليب سائل او نذوب حليب بودرة مع مويه زي ماتحبو
- علبة قشطة
- زيت لتحمير الدجاج في الفرن .
طريقة التحضير
نسلق الدجاج بمويه عادية ( بحرارة الغرفة يعني ) ونشيل الزفر منو اذا طلع وبعدها نضيف الملح وبعد مايستوي الدجاج نشيلو وندهنو بالزيت ونحمرو شويا في الفرن ،، بعدها نصفي المرقة ونضيف عليها الرز المغسول والمنقوع ونقلب بإستمرار ولما يغلي نرخي النار ونغطيه لمدة ٧ دقايق ونرجع نفكو ونقلب ونرجع نضيف نص لتر مويه ونقلب على نار هاديه بإستمرار لين يستوي الرز وبعدها نضيف الحليب والقشطة ونقدمو في الطبق ولازم ناكلو وهوا حار قبل مابيرد وينشف ونحط معاه قطع زبدة او سمن ويقدم مع سلطة حارة وبالعافية عليكم .
.
#وصفات #طبخ #لذيذ #اكل
