( أم علي)
المقادير
- ١٠ قطع بف باستري ( ممكن اقل حسب حجم الصينية)
- ٥ اكواب حليب ( يفضّل نخلط حليب بودرة مع موية عشان يكون قوام الحليب ثقيل في كل كوب ماء نحط ٣ ملاعق حليب بودرة ) ( وممكن اقل من ٥ اكواب حسب حجم الصينية)
- ٢ فنجان سكر
- مكسرات حسب الرغبة
– للتغطية:
- علبتين قشطه
- ظرفين دريم ويب
طريقة التحضير
نخبز قطع البف باستري وفِي قدر ع النار نسخن الحليب ونخلط معه السكر لين يغلي بعد كذا ناخذ صينية ونحط فيه قطع البف باستري اما بشكل كامل ومرتب او نكسرها ونحطها حسب الرغبة بعد كذا نصب فوقها الحليب ونتوصى فيه ثم نرش مكسرات الانواع اللي نحب وممكن جوز الهند حسب الرغبة بعدها نخلط علبتين قشطة مع ظرفين دريب ويب ونغطي فيها الوجه ثم ندخلها الفرن تتحمر من فوق ونزينها بالمكسرات وتقدم ممكن حاره او باردة حنا ناكل نص حارة والنص الباقي ندخله الثلاجه تصير ايس كريم اذا بردت 🤭😋
( ملاحظة: ممكن بعد نسويه في قوالب صغيرة وتقدم لكل شخص لوحده)
