أحلى شاورما مصرى
النهاردة هنعمل مع بعض أحلى شاورما من المصرى بتاعتنا الحلوة اللى بالطحينة اللى فى العيش الكيزر الصغير الجميل ده، يلا بينا 😍
المقادير
- كيلو لحمة متقطعة شاورما من ضهر الفخدة
- ١٥٠ جرام دهن (لية)
- توابل (ملح، فلفل، بهارات، قرفة، كمون)
- نص كوباية خل
- بصل
- طماطم
- بقدونس
- نعناع
هنخلط اللحمة مع الدهن و البهارات و الخل و ندخلها التلاجة ساعة على الأقل، بعد كدة نطلعها و نسخن طاسة و نحط عليها زيت و ننزل اللحمة لما تستوى نضيف البصل بعد كدة الطماطم و نضيف البقدونس و قبل ما نقفل نضيف النعناع.
(مقادير الطحينة)
- نص كوباية طحينة
- ٤ معالق خل
- نص كوباية مياه
- معلقة صغيرة ثوم مفروم
- توابل (ملح، فلفل، كمون، زعتر)
- نص ليمونة
- معلقة كبيرة زيت زيتون
هنحط الطحينة عليها الخل و نقلب بعد كدة نضيف المياه و باقى المكونات بعد كدة نقلبها على الشاورما بعد كدة نجيب العيش الكايزر و نعمل لنا بتاع ٣٠ أو ٤٠ سندوتش من الكايزر الصغيرين الحلوين دول 😍 جربوها و قولولى رأيكم 😍👌🏻
