حشوة الشآورما الخطيره 😍🍗🍔
من باب التغيير حشيتها بخبز البرقر حسيت الحشوه تتناسب معه بقوه 👌🏻
أول شيء تتبيلة الدجآج :
١- نقطع صدور دجاج شرائح أو دجاجه كآمله مع الأفخاذ نقطعها شرائح بدون العظم .
٢- نضيف على الدجاج : ( عصير ليمونه ، علبة زبادي ، ملعقتين كبيره خل ، فصين ثوم مهروس ، اوريغانو ، بهارات المشاوي ماركة اسناد أو أي بهارات تحبون ، فلفل أسود مطحون وفلفل أحمر وشوي كركم )
نخليه بالتتبيله ينقع ليله كامله الأفضل 👌🏻
٣- نجيب صينيه قصيرة الحافّه ونرص الدجاج مع تتبيلته فيها وماتفرقين بين الشرائح خليها متراصه جنب بعض .
٤- ندهن سطح الدجاج بالزيت وندخلها الفرن مشغل من فوق ونخليها لين تستوي وتتحمر .
٥- راح يكفيها الوقت إنها تستوي 👌🏻 ٦- ناخذ الدجاج على لوح خشبي ونقطعه عشوائي .
ثاني شيء نصلح الصوص عباره عن :-
١- في تاوه ع النار : نحمس فص ثوم مع زيت زيتون ماتكثرون الزيت شي بسيط وفلفل حار مقطع صغير جداً.
٢- نضيف نص كوب كريمة طبخ مع جبن سايل وفلفل أحمر مجروش ونعناع مجفف وأضفت بعد شوي من صوص الرانش وشوي شطه عشان تعطيه لون اورنج فاتح .
٣- أضفت الدجاج ع الصوص وبديت أقلّبه معه لين يتسبك في هذا الوقت أضيف الملح ونصيحه : استخدمو الملح البحري وابعدو عن الملح الصناعي .
آخر شيء أضيف ع الدجاج بعد مايدفى :-
بصل أبيض مقطع قطع صغيره ومخلوط مع سماق
+ بقدونس مفروم + بصل أخضر + بطاطس عيدان جاهز أو بطاطس مكعبات مقلي على حسب ذوقكم ورغبتكم 😍
ومخلل الخيار حلو بعد تقطعونه مكعبات صغيره بس إذا بتحشون الحشوه بدري ماانصحكم تضيفونه راح يصير ذابل وتروح قرمشة الخيار الأفضل تقدمونه بصحن على جنب للي يحب يضيف .
والخبز البرقر استخدمو لوزين يجننن فيه نوعين سمسم وبدون اللي تحبون بس طرواته تهبل 👌🏻 .
وعساه صحه وعآفيه ياحبيبآتي 💋🙊♥️
