《فطيرة الكفته》
اللي سويتها السبت بحلقة برنامج سفرتنا .. طعمها جدا لذيذ وممكن نسويها احجام صغيرة تطلع اخلى بعد
▪للعجين نحتاج
- كوب طحين
- ١ م.ك حليب بودرة
- ٢ م.ك سكر
- نص م.ص باكنج باودر اختياري
- واحد ملعقه متوسطه خميرة فورية
- نص م.ص ملح
- نص كوب زيت نباتي
- كوب ماء دافيء + ملعقتين كبار روب او زبادي
▪لتجهيز الكفته:
- ٣٠٠ جرام لحم غنم مفروم ناعم
- ملح وفلفل وبهارات مشكله
- بيضة واحدة
- نص كوب طماطم مفروم ناعم
- ربع كوب بقدونس
- م.ك بقسماط اختياري في حال كانت اللحمه مثلجه لانها تطلع سوائل غير الفريش
- طماطم وفلفل حلو للتغطية
طريقة التحضير
🔹️نجهز العجينه ونتركها تختمر كالعادة .. ونجهز خليط الكفته بخلط جميع المقادير باليد
🔹️نفرد العجينه بأي شكل واي قالب نحبه ونفرد بداخلها اللحم وممكن اضافة جبن موزاريلا تحت اللحم وعالوجه ممكن نحط شرايح طماطم وفلفل اخضر
🔹️ندهن اطراف العجينه اللي باينه فوق بصفار بيض
🔹️تدخل الفرن نشعل تحت وفوق حرارة ١٩٠ لما تحمر من تحت وفوق
🚫🚫🚫 ملحوظه جداا مهمه .. اللحم راح ياخذ وقت اطول من العجين وعلشان نتجنب ان الفطيرة تحترق واللحم بعده ما استوى شنسوي!!!؟؟؟
🚫🚫🚫 بعد ما اشقرت الفطيرة من فوق وتحت .. اطفي الفرن من تحت واخلي فوق شغال … واحط قصدير على اطراف العجينه الباينه ومواجهه لشعلة الفرن واكمل استواء اللحم
🚫🚫🚫 في حال حطيتو طماطم عالوجه ممكن يقط ماي .. كنت اطلع الفطيرة واحط كلينكس عليها يمتص السوائل الزايدة .. وبالعافية 😊👌🏻
#فطاير_كلحه
#٢٠١٨_كلحه
