《خبز الصودا الايرلندي》
قبل لانتكلم عن الطريقه .. خليني اقولكم ان هالوصفه تراثية كلاسيكية وهالكلام معناها .. انها بكل كتب الطبخ بتلاقون لها طريقه وحده مالها ثاني .. اللهم ممكن الواحد يغير بالحشوة مثلا او نوع الطحين بسسس
الخبزة طعمها قريب جدا على الكيك .. مو خبزة بمعنى الخبز اللي نعرفه ودليل نجاح الخبزة انها تكون يابسة من برة وطرية من الداخل .. لو طبلت عليها يطلع صوت طبل 😁🥁
المقادير
- ٤ كوب طحين ابيض
- ٤ ملاعق كبيرة سكر
- ١ م.ص كربونات الصودا
- ١ م.ص ملح بحري
- قالب زبدة .. ٤ ملاعق
- ١ وثلاث ارباع الكوب لبن او زبادي مخفوق
- ١ بيضه كبيرة
- كوب زبيب او كشمش او اي فاكهه مجففه
طريقة التحضير
🔹️نضيف كل المكونات الجافه بعدها نخلطهم باليد مع الزبدة ونفركهم لما تتداخل الزبدة جيدااا
🔹️نخفق اللبن مع البيضة ونبدأ ننزلهم عالنواشف والمكينه شغاله ونخليهم ينخلطون لما يتجانسو
🔹️انزل الفواكه المجففه واخلط الجميع
🔹️على سطح مرشوش طحين .. اعجنها زيادة شوي وارتبها بشكل الخبزة واحطها على صينية عليها ورق زبدة
🔹️عالفرن المحمي مسبقا .. على حرارة ١٨٠ والصينية تحت
🔹️لمدة ربع ساعه بعدها ارفع الصينية للوسط واخليها نص ساعه واخر شي نشعل من فوق لخمس دقايق وبس .. يعني المجموع حوالي ٥٠ دقيقه
🔹️اذا فرنكم حامي جدا .. ننزل الحرارة ١٧٠ بنص المدة وبالعافية 😊👌🏻
⚠️ لذيذة مع المربى والزبدة والعسل والذي منوو 🐝
#٢٠١٨_كلحه
