🔥🔥😻 محاشي مشكلة
من ألذ الأكلات اللي ممكن تجربوها👍🏻 وفي اضافه الغيتها اللي هي اللحم المفروم تقدروا تضيفوها لو تحبوا وبالنسبه للنعناع اختياري بس نكهتها رهيبه ولذيذه جربوا واحكموا واللي مايحبه نهائياً يلغيه
⠀⠀
الخضار :
كوسه
باذنجان
بطاطس
فلفل رومي
⠀⠀
نفرغ الخضار من الداخل وبالنسبه للكوسه نحاول بالسكين او بالمقوره نسويلها خطوط خفيفه لسببين الاول اذا كان فيها اتربه والثاني المسامات راح تنفتح والحشوه راح تاخذ من نكهة الكوسه وقت الطبخ .
⠀⠀
للحشوه :
بصل + ثوم
فلفل حار ( حسب الرغبه )
٢ ملعقه كبيره صلصه معجونه
كوبين طماطم معصوره
كوبين رز مصري مغسول ومنقوع ربع ساعه
بقدونس + كزبره + شبت
ملعقه كبيره ملح
ملعقه صغيره كمون
ملعقه صغيره فلفل اسود
⠀⠀
بقدر نحط الزيت والبصل ونخليه الين مايبدأ يقلب لونه للبني الفاتح نضيف الثوم وبس تطلع ريحته نحط الصلصه ونقلبها مع البصل وبعدين عصير الطماطم والكمون والفلفل الاسود والملح ونتركه يتسبك ١٠ دقايق وبعدين نضيف الرز ونكون غاسلينه من قبل وناقعينه ربع ساعه واخر شيء الورقيات ممكن تحطوا بس كزبره او بقدونس او شبت او كلهم مع بعض ، طبعاً الرز يكون نص استواء وبس تبرد الحشوه نحشي الخضار ونخلي الربع فاضي ونقفلها بقطعة طماطم عشان ماتخرج معانا وقت الطبخ .
⠀⠀
للمرق :
زيت + بصل + ثوم
٣ ملاعق كبيره صلصه معجونه
مكعبين مرقة دجاج
٤ أكواب مويه مغليه
ملح حسب الذوق
ملعقه كبيره نعناع مجفف
⠀⠀
بقدر نحط الزيت والبصل وبس يبدأ يحمر نضيف الثوم والصلصه ممكن علبه كامله او ٣ ملاعق كبيره وبعدين نضيف كوبين عصير طماطم ومكعبين مرقة دجاج او ممكن تسبدلوها بـ ٤ كاسات مرق دجاج لو كان عندكم من قبل وتلغوا المويه ونضيف الملح والنعناع المجفف .
⠀⠀
بقدر نرص شرايح من البطاطس والطماطم ونرص الخضار المحشيه بالطول بعدين نصب فوقها المرق والمستوى يكون فوق النص بشويه لاتغرقوا الخضار بالمرق ونخليها اول شيء على نار عاليه وبس يبدأ يغلي نهدي النار على اوطى شيء ونحسبلها ساعه وربع وبعدين شيكوا عليها اذا الخضار صارت طريه او لا وعليكم بالعافيه 💕
⠀⠀
البهارات من :
@majdiclub
@majdiclub
