🇪🇬🇪🇬😍 كشري بقدر واحد
نفسنا نسوي الكشري بس نتكاسل يوم نشوف كمية القدور اللي تطلع لكن اليوم جربت اسويها معاكم بقدر واحد وضبطت معايا وماشاء الله كله مستوي وماعجن معايا ، امشوا معايا خطوه بخطوه مع قراءة كل شيء كتبته لكم تحت وبإذن الله تنجح معاكم وتعجبكم وتحبوها 👍🏻
⠀⠀
⚠️ الصوصات كلها تتقدم جانبيه مع الكشري
⠀⠀
المقادير :
كميه حلوه من الزيت ( نص كوب )
٣ حبات بصل مقطعه لشرائح رفيعه
⠀⠀
ملعقتين كبيره من زيت البصل
نص كوب شعيريه
كوب مكرونه صغيره
كوبين رز مصري مغسول فقط
نص كوب عدس أبو جبه ( منقوع بماء حار ٣ ساعات )
سباغيتي مقصوصه
⠀⠀
الصلصه :
ملعقه كبيره من زيت البصل
ملعقه كبيره ثوم مهروس
ربع كوب خل
ملعقه كبيره صلصه معجونه
كوبين عصير طماطم
ملح + كمون + كزبره + فلفل اسود
⠀⠀
الشطه :
ملعقه كبيره من زيت البصل
ملعقتين كبيره فلفل احمر حار ( بودرة او مجروش )
ملعقتين الى ٣ ملاعق كبيره من الصلصه اللي سويناها اول
⠀⠀
الدقه الساخنه :
ملعقتين كبيره من زيت البصل
ملعقه كبيره ثوم مهروس
ربع كوب خل
ملح + كمون + كزبره
كوب ماء فاتر
⠀⠀
الدقه البارده :
نجيب صحن او زبديه ونحط فيها مكونات الدقه الساخنه
من دون زيت ونخلطهم بالملعقه وبكذا صارت جاهزه
⠀⠀
الطريقه :
نقلي البصل الين مايبدأ يشقر نرفعه على مناديل ورقيه بعدين نطلع جزء من الزيت اللي قلينا فيه البصل على جنب ونخلي بالقدر مقدار ٣ الى ٤ ملاعق كبيره من الزيت نحمر فيه الشعيريه بس يتغير لونها نحط المكرونه الصغيره ونقلبها بالزيت الي مايتغير لونها للبني نحط الرز ونقلبه مع المكونات بعدين نضيف العدس ونكون ناقعينه من قبل ٣ ساعات او قبلها بليله واخر شيء نضيف السباغيتي وتكون مقصوص نحركها شويه مع المكونات ( الحين لما نقلب مكون مكون بالزيت هنا كل حبه تتغلف بالزيت ومايعجنوا مع بعض ) بعدين نضيف المويه المغليه وكمية المويه نقيسها كأننا نسوي الرز المصري العادي كل مكون راح يستوي على راحته من المويه الموجوده وكمان من البخار عشان لو كثرنا مويه بزيادة ممكن يعجن معانا يعني فوق مستوى الرز ب ٢ او ٣ سانتي وتكون النار بالبدايه عاليه مجرد ماتبان معانا حبات الرز نهدي النار على اوطى عين بالغاز ونغطيه يطبخ تقريباً ١٥ دقيقه وبعدين نسوي الصلصه ونتركها تتسبك ٥ دقايق ونفس الشيء الشطه بس الدقه الساخنه مجرد غلوه وحده ونقفل عليها والدقه البارده نخلط كل المكونات ع البارد جربوها وعليكم بألف عافيه 💕
⠀⠀
جميع الادوات المستخدمه في الوجبه متوفره
لدى معارض ومتجر قصر الاواني الالكتروني
⠀⠀
@qasralawani
@qasralawani
@qasralawani
