سويتها بطريقتي مو بالطريقة الاصلية فيها شوية اختلاف 😋😋 جربوهااا لذيذذة
المقادير
– مقادير الحشوة :
- صحن صدور دجاج ٤٥٠ غم مقطع
- حبة بصل كبيرة او حبتين صغار
- حبة طماطم كبيرة او حبتين صغار
- فصين ثوم
- علبة معجون طماطم
- ماء حسب الحاجة
- زيت
- البهارات حسب الرغبة : ثوم بودرة ، بهار ايطالي
- فلفل اسود ، فلفل احمر ، اوريغانو ، ماجي بودرة
- ملح حسب الرغبة
- علبة لازانيا
– مقادير البشاميل الفرنسي :
- نص كوب زبدة
- نص كوب دقيق
- لتر حليب سائل
- ربع حبة بصل فيها ورق غار ومسمار
- رشة جوزة الطيب اختياري
- نص م ص ملح
- رشة فلفل اسود
طريقة التحضير
– طريقة البشاميل :
اضيف الحليب على النار وفيه حبة البصل
اسخن الزبدة على النار واضيف عليها الدقيق
اخلط في الدقيق شوي بعدها اطفي النار
اترك خليط الدقيق يبرد بعدها اضيف
الحليب السائل واهو ساخن واخلط على النار
اضيف الملح والفلفل وجوزة الطيب واخلط لين يثقل القوام
– طريقة الدجاج :
زيت اضيف عليه البصل وبعد مايتغير لونه
اضيف الدجاج واقلب فيه ممكن استبداله باللحم المفروم
اضيف البهارات والمعجون والطماطم واغطيه ١٠ دقايق
اضيف الملح وكوب ماء تقريباً عشان يلين اللازانيا بعدين
اضيف رشة سكر بسيطة جداً تكسر حموضة الطماطم
اغطيه يتسبك اكثر ويكون جاهز
– طريقة اللازانيا :
اول طبقة في صينية الفرن بشاميل
بعدها لازانيا – صلصة الدجاج – بشاميل
اكرر الخطوات لين تخلص الكمية اخر شي
جبن تشيدر للوجه اختياري بعدها بشاميل
بعدها جبن موزاريلا وتتغطى وتدخل الفرن
١٨٠ مدة ٤٠ لقيمة بعدها ارفع الالمنيوم واحمرها
وبالعافية 😋😋🥺
