《وصفة تارت جديدة》
.
عجينة التارت سويت منها عدة وصفات وكلهم حلوين وبينهم عامل مشترك وهو استخدام محضرة الطعام .. بس،هالمرة حبيت اقدم لكم طريقه باستخدام المضرب الكهربائي الكبير او اليدوي
.
◾المقادير لقالب تارت عشرة انش :
.
🔸️٣ ارباع كوب سكر .. ١٩٠ جرام
🔸️كوب زبدة بحرارة المطبخ .. ٢٠٠ جرام
🔸️ملعقه صغيرة فانيليا
🔸️٢ بيض
🔸️٣ وربع كوب طحين .. ٤٠٠ جرام
🔸️٢ م.ص باكنغ باودر
🔸️رشة ملح
.
◾الحشوة .. مربى اي نوع او تفاح مكرمل
.
◾الطريقة:
.
نضرب السكر والزبدة عالاقل ٣ دقايق لما يتحول لونوالخليط فاااتح وناعم معومراعاة مسحوالحواف اثناء الخلط .. ممكن استخدام مضرب شبكي والافضل مضرب التقليب
.
نضيف البيض حبة حبة .. مع الفانيليا والمكينه شغاله
.
بعدين نضيف الطحين والباكنغ باودر والملح كلهم مرة وحده ونخلط لحين ماتتجمع العجينه على بعض وتتماسك شوي
.
نحطها على سطح مرشوش طحين .. ونطبقها باليد على بعض ونفلطحها 😂 بشكل مستطيل ونغلفها بنايلون وندخلها الثلاجه ساعه
.
نطلعها وناخذ ثلثين العجينه .. نفردها على ورق زبدة لسهوله نقلها للقالب
.
ننقلها بالقالب ونضبط الحواف ونثقبها بالشوكه وندخل القالب الثلاجه لحين تجهيز الغطا
.
والثلث الاخير نفرده ونسويه دائرة .. واذا حابين تسوون فيه حركات .. لازم ندخلها الفريزر ربع ساعه قبل لانسوي اشكال
.
ندهنه خليط بيض وحليب .. وممكن نكتفي برش سكر بودرة وعالفرن ٣٥ دقيقه .. ١٧٠ درجه … وبالعافية 😊👌🏻
.
.
#تارت_كلحه #محمد_الكلحه
.
.
