أحدث الوصفاتالاطباق الرئيسية

《معكرونة بالباشاميل》

53609590 2023333964389077 1528717281996097173 n

《معكرونة بالباشاميل》
.
بغض النظر انها وصفه سهله والكثير يعرفها .. بس كعادتي احب اقدم الوصفات بطريقتها الكلاسيك والسهله وال #لذيذة_لذاذة_اللذوذين_كلهم😋👌
.
◾تجهيز المعكرونه:
.
🔸️اخترت المعكرونه التقليدية ومافي شك تقدرون تختاروا اي شكل ثاني
.
🔸️غليت الماء والملح .. وكمية الملح عالنظر .. ونزلت المعكرونه وبس حسيت انها استوت بس مو طرية حيل .. صفيتها من الماء
.
🔸️نزلتها بماء بارد ثواني لايقاف النضج .. وصفيتها وخليتها على جنب
.
◾خلطة اللحم:
.
🔸️اللحم فريش .. فرم خشن .. قلبته بدون زيت لما طلع منه الماء ونشف .. قمت ونزلت عليه بصل وقلبت الجميع .. وبعدها حطيت ملح وفلفل اسود وبهار حلو وجوز الطيب وبابريكا وممكن نحط قرفه
.
🔸️قلبت الجميع .. ونزلت علبة طماطم مقطع ومقشر وقلبتهم وغطيتهم لحين تمام النضج
.
◾لتحضير الباشاميل:
.
🔸️ذوبت ملعقتين زبدة ونزلت عليهم ملعقتين طحين وحركتهم لما الطحين يشقر شوي
.
🔸️نزلت عليه كوبين الا ربع حليب سائل وربع كوب كريمه (بالتدريج علشان لايتكتل) مع التحريك المستمر
.
🔸️بالنهاية صار ثقيل نتفه .. نزلت نص كوب موزاريلا وملح وفلفل ابيض وجوز الطيب
.
🔸️صبيت الباشاميل بطبق عميق وخفقت بيضه واضفتها عالباشاميل وحركت بسرررررررررعه علشان البيضه لا تنضج وتستوي من سخونة الباشاميل
.
🔸️خلطت المعكرونه المسلوقه بالباشاميل (وخليت حوالي ربع كوب باشاميل على جنب)
.
◾تجهيز الطبق:
.
🔹️بطبق الفرن حطيت طبقه معكرونه وفوقها خليط اللحم وبالاخير طبقه معكرونه (حاولوا تكون طبقات المعكرونه متساوية) علشان الشكل النهائي
.
🔹️متذكرين ربع كوب الباشاميل اللي خليته على جنب؟؟ صبيته عالوجه ودخلت الطبق الفرن محمي مسبقا وحرارة عالية جدا من تحت فقط لمدة نص ساعه
.
🔹️فتحت الشواية مع تحت .. وخليته ربع ساعه وبالعافية 😊👌🏻
.
🚩 اذا حابين تقطعون الباشاميل قطع شكلها مرتب .. انتظروا لما تبرد شوي وقطعوها .. لاتقطعونها ساخنه 🥰
.
#معكرونة_كلحه #محمد_الكلحه #وصفات_كلحه
.
.

 

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى