《صينية دجاج على ايدامه ورز بالخلطه》
.
وصفة سهله جدا للموظفات وفيها تجهيز مسبق يخليها اسهل واسهل .. ومافيها قوانين .. انا بكتب لكم شسويت بالضبط .. وعاد كل واحد وذوقه 😏
.
اسحب الصورة يسار ⬅️
.
#لذيذة_لذاذة_اللذوذين_كلهم😋👌
.
🔸️اشتريت خمس افخاد دجاج طازج وحطيتهم بالفريزر من اسبوع .. وطلعتهم من بالليل يذوب
.
🔸️واليوم الصبح .. غسلتهم بالماي وشلت الزوايد الدهنية واحتفظت بالجلد
.
🔸️بطبق عميق حطيت خل ابيض وملح بحري خشن .. وفركتهم عدل مدل .. ورجعت غسلتهم ونشفتهم بمحارم ورقية
.
🔸️حطيتهم بطبق نظيف واضفت التالي عالنظر :
ملح .. فلفل اسود .. كزبرة بودرة .. بابريكا .. راس ثوم مدقوق .. عصير ليمونتين .. نص كوب زيت زيتون
.
🔸️فركتهم بهالخلطه وغطيتهم بنايلون وعالثلاجه .. واليوم الظهر طلعتهم وشلتهم بصحن منفصل
.
🔸️قطعت بطاط اصابع عريضه .. وحلقات جزر وبصل شرايح دائرية رفيعه .. وتبلتهم ببواقي الماي تبع تتبيلة الدجاج
.
🔸️بصينية الفرن .. صفيت البطاط والجزر والبصل طبقه وحده وفوقهم صفيت الدجاج وصبيت عليهم بواقي ماء التتبيلة تبع الدجاج .. وزدت فوقهم رشة زيت زيتون ورشة خل احمر 😋
.
🔸️عالفرن المحمي مسبقا .. حرارة ١٩٠ .. ساعه وربع واول ماطلعتهم دهنتهم بزبدة ذايبة علشان يعطي لمعه وطعم مميز وبالعافية 😊👌🏻
.
◾《اما الرز》
🔹️فهو رز بسمتي مغسول ومنقوع .. وبالقدر قلبت شوية خضار مثلجه ذايبين (جزر وبازيلا) وعليهم رشة ملح وفلفل وكركم ومكعب مرق دجاج … وبس نضجوا نزلت الرز وقلبتهم تقليبه وحده وصبيت ماء فوق مستوى الرز بسانتي وعلى نار عالية وبعد الغليان .. وبس يشرب الرز معظم الماء غطيتهم نص ساعه على نار هاااادية وتحت القدر حديدة
.
◾《حاشية الجزر》
🔹️هي مجرد شرايح جزر قلبته مع زبدة بالمقلاه على النار لحين ما يصير طري ويستوي مع رشة ملح وفلفل ابيض
.
ان اتممت القراءة فاكرمنا بتشجيعك عالوصفه ⚘
.
#وصفات_كلحه #محمد_الكلحه
.
