《شاكرية》
.
هذي طريقتي واذا اختلفت مع طريقة احدكم فاعتذر لكن هذي طريقة امي 💔 الله يرحمها .. وامي دايما على حق 😌
.
عموما الطبخه اللي فيها لبن .. بأي شكل .. اعشقها بجنون 😍
.
اليوم طبختنا اسمها (الشاكرية) معروفه في لبنان وسوريا
.
هذي الطبخه تذكرني بأيام جميله 😢 كنا نعملها دايما وباستمرار اول يوم من اي مناسبه عيد صغير ولا كبير وحتی رمضان ونجتمع عليها ونحبها كلنا وننتظرها .. كان جدر امي اللي تسوي فيه الشاكرية ينام فيه ثلاث يهال من كبره 😅 وكانت تجهز لهالطبخه من قبل اسبوع .. تسوي لبن روب بالبيت وطوارئ وحالتنا حاله .. الله يرحمها 😢
.
المهم يلزمكم اثنين كيلو لبن زبادي روب واربع حبات كبيرة بصل (ابيض) وملعقتين كبار نشا واذا استخدمتو للن الشرب نحط نشا اكثر
.
وملعقتين صغيرة ملح وملعقتين الی ثلاثه ملاعق صغيرة بهار فلفل ابيض وطبعا لحم قطع كبيرة وبالعظم اطيب واطيب مسلوقه بدون اي اضافات ولا بهارات نهائيا فقط نسلق اللحم بملح وهيل وغار ممكن فقط للزفرة .. لاني بحتاج للماء
.
نبدأ بسلق البصل الابيض ووضعه بخلاط الكأس مع كوب من مرق اللحم اللي سلقناها او فحناها مسبقا
.
بالقدر نحط اللبن والنشا ونبدأ بالتحريك وعلی نار عالية (الافضل وضع حديدة تحت القدر لمنع احتراق اللبن)
.
ونستمر بالتحريك حتی نوصل لمرحلة الغليان وظهور فقاعات علی سطح اللبن .. بهالمرحله نصب مزيج البصل ومرق اللحم ونستمر بالتحريك ونخللي النار وسط
.
نضيف الملح والفلفل الابيض بهالمرحله ونضيف صنوبر او لوز صنوبري مقلي بشوي زبده (هذي خطوة اضافيه من عندي) تعطي طعم روعه ونزلت فيديو تقلية اللوز امس
.
نحط قطع اللحمه المسلوقه باللبن وعليكم بالعافيه تاكلونها مع رز ابيض بالشعيريه
.
.
