《رز اسيوي بالربيان》
الحلو بهالوصفه .. انها كلها نسويها بنفس الجدر او المقلى 😉👌🏻
اختاروا جدر عريض قصير الحافه او المقلى الكبير المقعر يكون افضل بعد .. جربوها .. كل اللي بالاستوديو طاحوا بغرامها 😍
المقادير
- مغسول ومنظف حوالي ٢٠ حبة
- رز حبة قصيرة مشخول حوالي ٣ او ٤ اكواب
- بازلا وجزر مثلج حوالي كوب
- بصل ابيض مفروم نااااعم
- ثوم مفروم
- زنجبيل مفروم
- ٣ حبات بيض مخفوق
- ملح خشن وفلفل ابيض
- صلصة صويا معتدله ربع كوب
- محار ٣ ملاعق كبيرة
#وصفات_كلحه #رز_صيني_كلحه
◾الطريقة:
🔹️اول شي نحط شوي زيت او زبدة ونقلب نص كمية البصل تقليبة بسيطه وننزل عليه نص كمية الثوم والزنجبيل ونقلب الجميع
🔹️اول ماتبدأ تطلع ريحتهم 😍 انزل الربيان واستنر بالتقليب حوالي ثلاث دقايق وبعدين ارفع الربيان بالبصل والثوم والزنجبيل بطبق على جنب
🔹️بنفس القدر انزل ثلاث بيضات مخفوقين وافرد البيض وبس يستوي بالملعقه اقطعه شوي وارفعه بصحن على جنب
⚠️ لاحظوا للحين لاحطيت ملح ولافلفل .. وصار عندي طبقين واحد فيه حمسة ربيان وواحد فيه بيض
🔹️نكمل .. بنفس القدر اقلب بواقي البصل والثوم والزنجبيل بس يذبل انزل عليه الخضار واحط شوي ملح وفلفل ابيض
🔹️بس احسه تذبل واستوى انزل عليه حمسة الربيان والبيض واقلب تقليبة وحده وعقب انزل الرز
🔹️واقلب الجميع بهدوء .. وانزل عليهم صلصة الصويا والمحار واقلب الجميع .. واذوق الملح اذا محتاج اكثر وبس بالعافية 😊👌🏻
⚠️ بالنسبه للرز .. استخدمت رويال امبريلا التايلندي وممكن استخدام اي نوع رز حبة قصيرة .. انا قبل بيوم قلبت الرز بعد ماغسلته بنتفه زيت وصبيت عليه ماء وسويته كالعادة وبعدين حطيته بالثلاجه يبرد لازم يكون بارد
#صيني_كلحه #٢٠١٨_كلحه
