《ربيان وباستا بالكريمه وأجار المانغا》
وصفة كلمة لذيذة شوي عليها .. مجرمه لابعد حد .. الصلصة ماتوقعت الكريمه مع أجار المانغا يطلع باللذاذة 😍 ارجووكم جربوها لانها #لذيذة_لذاذة_اللذوذين_كلهم😋👌
المقادير
- ٢ بصل وسط ذهبي جوانح رفيعه
- ثوم جوانح خمس حبات
- فلفل بارد ملون مشوي ومقطع شرايح عالنظر
- جزر مبروش عالنظر
- ثلث كوب أجار (مخلل) مانغا
- كيلو ربيان طازج حجم وسط مغسول ومنظف
- كريمة سائلة
- كيس كامل باستا فوتوتشيني او اي نوع
- بقدونس للزينة
- ملح وبابريكا
#وصفات_كلحه #ربيان_مانغا_كلحه
طريقة التحضير
🔹️نقلب البصل والثوم مع زبدة ونتفة زيت لمن يذبلوا
🔹️انزل عليه الفلفل الملون المشوي مسبقا ومقشر (ينفع فلفل بدون شوي بس المشوبدي ألذ بمراحل)
🔹️نضيف الجزر المبشور وهالشي اختياري
🔹️الحين نضيف أجار المانغا ونقلب الجميع ثواني معدودة ونخليهم على نار هادية دقيقتين بس
🚩للي مايعرف .. أجار (يعني طرشي المانغا) يجي بالجمعيات بداخل مرطبانات في منه يجي بداخلهم قطع مانغا وانا اطحنهم بالبيت .. وفي منه مطحون جاهز
🔹️نرفع النار للوسط ممكن اضافة بابريكا بهالمرحله .. وشوية ملح فقط لا غير
🔹️نضيف الكريمه السائلة (ينفع يا الخفق أو الطبخ) ونخليه لمن يسخن ويبدأ يطلع منه بخار
🔹️نضيف الربيان ونحرك الجميع ويترك دقيقتين على النار الهادية (ينفع نستبدله بدجاج بس طريقة طبخه مختلفة شوي .. وهي اننا نقلب اول اول اول شي الدجاج يتحمر عقب نرفعه ونضيف البصل ونكمل الخ الخ ونرجعه بالاخر قبل الباستا)
🔹️اخيرا نضيف المعكرونه المسلوقه مسبقا ونخلط الجميع شوي شوي ونتركه ايضا دقيقتين وبالعافية 😊👌🏻
